放咗幾日假, 都無玩過煮飯仔, 今晚又嚟玩吓先得.
煮餸只要多多練習就一定會有進步, 之前學煮蠔時係非常唔得. 雖然未至於話好難食. 但我始終唔係好滿意. 經過努力學習總算有d 成績喇!
材料
廣島蠔 (15 隻), 薑 (5 片), 蔥 (1 扎 - 切段)
調味料
蠔油 (1 湯匙), 生抽 (半湯匙), 糖 (1 茶匙)
紹興酒 (1 湯匙 - 贊酒用)
做法
1) 廣島蠔解凍後, 用生粉清洗乾淨, 再用水清洗乾淨, 然後汆水 1 分鐘, 撈起隔水備用.
2) 燒熱鑊落油, 下薑及蔥段爆香, 加入廣島蠔, 贊酒, 下調味料快手兜勻煮熟, 就可盛起食用.
