Happiness Project 已經成立左差唔多半年了, 多得大家俾我地既意見, 開始越來越順暢了, 希望大家可以樂活人生係我地既宗旨, 為左可以令大家接觸更多咖啡豆, 我地會定期引入新豆. 今次為大家介紹本月新豆 -- 曼特寧 19 目
首先為大家重溫一下咖啡帶, 咖啡需要一個溫暖, 溫差較少且有足夠降雨量既生長環境, 之前介紹既耶加雪夫生長於衣索比亞, 而曼特寧則生長於印尼 - 蘇門答臘. 唔同既生長環境, 土壤都會帶來獨特既風味, 非州咖啡以花香果酸等怡人風味見稱, 而印尼豆則以甘味, 草藥風味見稱.
蘇門答臘主要出產Robusta 咖啡豆, 而曼特寧則屬稀有的Arabica 品種, 生長於海拔750米以上. 印尼咖啡等級以瑕疵豆數量為標準, 越少越高級, 最高級別為G1, 瑕疵豆係 1.3% 以內.
咁"19目" 係咩意思呢? "19目" 其實指咖啡豆既大少, 咖啡豆平均直徑有7.5 - 7.8mm, 差唔多比一般咖啡豆大一倍!! 同下圖既象豆差唔多!
曼特寧風味醇厚香濃, 帶微苦, 餘韻甘味回盪, 香氣濃郁, 帶俾人一種成熟隱重既感覺, 係另一番既味覺刺激!
============================================
感謝 SiuLamLam 提供以上資料
SiuLamLam的網誌: http://www.siulamcoffee.com/
============================================
