( 臨近年尾, 日日收工都好夜....竟然成個星期無打Blog ...! 唉 ~ 快點忙完就好了, 有好多咖啡店, 咖啡知識都想share ! )
最近朋友送左一袋Ethiopia 咖啡豆俾我, 呢袋咖啡豆應該炒好超過3個月了, 我一直都將佢放係櫃入面, 前幾日沖來飲, 發現沖出來咖啡味好酸, 酸到好似變壞了..到底發生咩事呢? 點先可以好好保存咖啡豆?
當然大前提係絕對唔建議將炒好既咖啡豆放得太耐, 因為咖啡風味會慢慢流失.....浪費左~
如果大家有留意, 應該發現係市面上既咖啡豆包裝袋上面有個圓形既印:
佢其實係一個單向透氣閥, 咖啡豆會釋放二氧化碳, 呢個透氣閥可以釋出袋入面既CO2同時防止外面既氧氣進入袋內, 令咖啡豆氧化~ 除此之外, 客人買咖啡之前亦都可以用呢個透氣閥唧啲二氧化碳出來, 聞一聞咖啡既香氣~
係屋企既保存:
1. 最好用返個單向透氣閥咖啡袋, 只要剪口封好都OK
2. 可以用密封既容器, 盡量減低咖啡同空氣接觸
3. 存放係乾爽, 陰涼地方, 避免陽光照射同接觸到濕氣
千萬唔好將咖啡放入雪櫃!! 一來雪櫃溫度太低, 唔適合咖啡豆, 二來當你係雪櫃拎咖啡豆出來既時候, 好容易有凝結作用! 水珠會係咖啡豆表面凝結, 直接破壞咖啡!
總之買咖啡之前要適可而止唔好買過量~ 永遠謹記新鮮咖啡係最好的!
後記: 原來我杯咖啡, 問題出左係鮮奶, 可能有少少變壞了...哈哈...
============================================
感謝 SiuLamLam 提供以上資料
SiuLamLam的網誌: http://www.siulamcoffee.com/
============================================
