相信好多人都聽過某D人嘆咖啡既時候會+飲到花味, 檸檬味, 乾果味等等, 個心都可能會質疑係咪真係飲到咁多味..有無咁覆雜.. ( 包括我自己都有咁諗過... )
當然, 要飲到咁多變化既味道, 首先要剔除會影響咖啡味道既外在因素, 例如奶, 糖等等, 亦都即係三合一, Latte, Cappuccino, Mocha 等等基本上都唔會飲到... 我地欣賞既係咖啡既本身, 你可以以溫和既滴漏式, 又或者強烈既意式濃縮來品嚐
飲到既味道亦都唔係天花龍鳳話咩就咩, 美國精品咖啡協會(SCAA) 制定左咖啡風味輪, 令大家對咖啡既風味可以有跡可尋, 亦都可以更加有系統. 風味輪由內到外一步一步收窄風味既精確度, 由果味--> 莓果味--> 藍莓味. 右邊風味輪列出咖啡既優點, 分左味道同氣味兩部分. 而左邊既列出咖啡既缺點, 分左內部變化, 外部變化, 味道缺陷同氣味污染四部分.
以前, 杯測會以扣分制來品評咖啡, 愈多左邊既味道, 咖啡就愈低分, 後來有人覺得呢個方法太消極, 應該尋找咖啡優點, 所以改為加分制.
下次飲咖啡, 不防參考下風味輪, 睇下飲唔飲得到不同既味道變化~
============================================
感謝 SiuLamLam 提供以上資料
SiuLamLam的網誌: http://www.siulamcoffee.com/
============================================
