寫左呢個BLOG接近一年了, 當初係為左將自己喜愛既事分享, 令更多人認識, 睇返之前寫既文章, 發現未試過介紹"咖啡"俾大家認識! 今次就由基本講起~
咖啡屬常綠灌木, 係赤道地帶種植, 俗稱
咖啡帶, 品種主要分為Arabica, Robusta 兩種~ 咖啡樹擁有雪白既咖啡花, 火紅既咖啡果.
咖啡果必須要完全成熟先可以採摘, 精品咖啡為左確保質素, 會用人手採摘. 我地飲既咖啡指咖啡果果實, 採摘之後, 咖啡果需要經過不同既處理法 ( 日曬或水洗, 近年亦慢慢改進成不同方式 ) , 不同處理方法會直接影響咖啡味道.
所謂既處理法, 其實係去除咖啡果既果肉, 外皮, 內果皮, 最後會淨底翠綠既咖啡生豆.
平時我地飲咖啡色既咖啡豆, 係經過炒烘既過程, 將咖啡生豆入面既水氣蒸發, 同時將咖啡風味帶出~ 咖啡仲係咖啡果時, 不同處理法會影響風味, 而烘焙生豆亦再一次影響風味, 淺炒可突出果酸味, 而深炒則可突出甜味~
烘焙後, 你可以選擇用唔同方式沖煮咖啡, 滴漏, 虹吸或者意式咖啡~ 根據你自己既口味, 慢慢享受咖啡~
============================================
感謝 SiuLamLam 提供以上資料
SiuLamLam的網誌: http://www.siulamcoffee.com/
============================================
