台灣咖啡文化比香港深，愈趨鑽研精品咖啡，咖啡店普及程度比麥當勞仲要多，每一間都各有特色，每一間都係店主用心之作。上年我去左台灣東山參觀咖啡農場，體會由種子間始到沖成一杯咖啡的過程，今年繼續咖啡旅程，拜訪特色咖啡店同隱世咖啡達人，感受一下台灣人對咖啡的喜愛。
今次旅程分別去台北同高雄, 兩個地方的感覺差好遠. 台北好繁華, 當我深入住宅小區, 發生入面有好多唔同既特色食店, 中西日韓樣樣有, 當然亦都有好多咖啡店, 幾乎每一間咖啡都有一部烘焙機, 使用自家烘焙咖啡，令咖啡更有新鮮同有特色. 係香港有自家烘焙機係一個好大既賣點, 而係台北, 有, 只係基本. 高雄比台北純樸，咖啡店數量明顯較少而且唔容易揾到，好多時都係類似Starbucks 形式，咖啡輕食各佔一半。當然亦不乏咖啡達人。
台灣人對咖啡的認識很深，肚入面藏住海量知識，同佢地交流令我獲益良多，同時發現自己對咖啡認識好少，之後一連八篇會逐一介紹今次旅程，請大家記得留意 =D
============================================
感謝 SiuLamLam 提供以上資料
SiuLamLam的網誌: http://www.siulamcoffee.com/
============================================
