每年係世界各地都會舉行唔同既咖啡展覽會, 當中包括中國同香港. 上星期日, 同朋友上廣州出席2013 年咖啡博覽會. 今年既博覽會由11月21至24日, 係廣州進出口商品會展館舉行. 我地去到既時候已經接近尾聲, 幸好今次旅程都有唔錯既收獲.
場館唔算好大, 大概有30個參展商, 當中有賣咖啡生豆, 烘焙機, 咖啡用具甚至三合一咖啡都有...因為有好多攤位都有即場烘焙咖啡豆, 所以遠遠已經聞到咖啡香~
是次參觀其中一個亮點係見到Hario 中國代理既攤位, 見到好多Hario 新產品, 佢地今年推出既產品都好精緻, 當中包括電動既V60 咖啡機, 真係令我不得不佩服日本人既創意!
同攤位既負責人傾過, 佢話有1/3 客人係淘寶商家, 有部分更加係買個樣辦返去複製成A貨... 其實都幾無奈, 明知佢地之後會冒認自己品牌, 但係又無辦法阻止... 所以我地都要支持正版!!
除左參觀之外, 每次咖啡展都會同時舉行大大小小既比賽, 今次就遇見Aero Press 比賽, 可惜音響唔係太好, 唔係好聽到Barista 講野...~相信每位Barista 都會有自己對咖啡既睇法或者喜歡唔同既咖啡豆, 拼配豆等等.. 透過參加比賽, 佢地可以將自己喜歡既咖啡表現出來, 又可以同其他Barista 交流, 增進知識! 所以每位參賽者都係贏家~
原來以為要用一日先行完, 最後只係用左2個鐘~ 難得來到廣州, 之後當然嘆杯咖啡先~ :P
============================================
感謝 SiuLamLam 提供以上資料
SiuLamLam的網誌: http://www.siulamcoffee.com/
============================================
