每年9月, 台灣都會舉行咖啡葡萄節, 吸引客人去台灣農場參觀. 上年我去左仙湖農場, 親身感受整個咖啡既種植, 收成同處理整個過程!
仙湖農場位於台南東山既淺山區, 因為位置較高, 朝早會俾霧包圍住, 遠望就好似係仙境入面, 所以取名仙湖農場~ 呢度空氣清新, 感覺好寧靜, 純樸. 來到呢到, 第一眼見到唔係咖啡樹, 而係兩隻大豬 - 旺旺同饅頭 同 一隻大公雞好休閒咁係草地上行來行去~
整頓好行李之後, 發現原來咖啡樹就係我地既身邊, 佈滿成個農場 ~ 一粒粒包滿既咖啡果實就係我地面前! 9月係咖啡收成既季節, 熟左既果實呈鮮紅色, 適合採摘~
農場派人帶我地四周參觀, 教我地點樣處理咖啡豆~ 除左咖啡樹之外, 呢度仲種左好多果樹, 龍眼, 柑同西柚等等... 我地可以即摘即食!
![]()
|
|
呢部係去咖啡果皮機
|
![]()
|
|
去左咖啡果皮之後, 就會見到晶瑩剔透既果肉
|
呢度採用果泥日曬法 (先去果用加水, 後曬 )
曬好之後, 用機器去埋羊皮再進行篩選就完成了!
![]()
|
|
炒豆機
|
農場用人手採摘咖啡豆, 一來可以保証咖啡豆採摘時係完全熟透, 二來可以除去劣質咖啡豆, 確保咖啡質素. 因為全人手處理, 佢地既產量好低, 一日只會炒一至兩包咖啡豆~ 名副其實既精品咖啡!
到飲咖啡時間了~ 呢度既Barista work table 充滿左原始味道, 咖啡用越南滴滴咖啡既Filter 沖煮, 我選擇深烘焙 ( 聽農場既人講台灣人比較喜歡中烘焙既咖啡). 岩岩撞正日落時間, 一路睇住日落一路飲咖啡, 好寫意, 好relax, 所以煩惱都一掃而空
飲完咖啡之後享用農埸有機晚餐, 夜晚去左旁邊既溫泉區浸溫泉作為美好既終結~
第二日主要都係四周圍參觀一下, 仙湖農場自創左一款好特別既桂圓咖啡, 將自家種植既桂圓肉加入鮮奶攪拌, 再倒入咖啡, 味道出奇地夾, 好清新, 仲有一粒粒係桂圓肉, 一試難忙!
二日一夜既農場之旅好快就完結了, 係仙湖農場, 感受到純樸既氣氛, 清新既空氣, 令你心無雜念.農民由種植到收成植物都一絲不苟, 一杯簡單咖啡背後隱藏咖啡農既辛勞, 對咖啡既悉心照顧.
好多時一杯咖啡既味道取決於當時既心情, 慶幸曾經係一個咁好既環境下, 飲過一杯令人心境寧靜既咖啡!
仙湖農場
http://www.senwho.com.tw/
============================================
感謝 SiuLamLam 提供以上資料
SiuLamLam的網誌: http://www.siulamcoffee.com/
============================================
