來到最後一篇, 大家可能會覺得好奇怪, 李老師到底係咩人? 點解會放一部烘焙機既相呢? 明明係台灣咖啡之旅.... 其實呢部係一部輕型烘焙機 ( Huky 500 ), 最多可以烘焙500g 既豆, 操作簡單, 設計精細, 可謂麻雀雖小, 五臟俱全. 一開頭先到呢部烘焙機, 以為佢係由大公司生產, 後來先發現原來係由一位台灣教授 - 李老師設計同製造, 今次有幸可以同佢交流, 獲益良多!
係未到台灣之前, 我地已經試用過呢部烘焙機, 希望可以對部機有基本既認識先~ 起初我地以為係參觀一個製造烘焙機既工廠 / 辦工室, 來到先發現, 原來係李老師屋企! 真係一位隱世高人! 我地到訪既時候, 李老師正好完成一部烘焙機, 準備寄去巴西!!
一來到老師屋企, 老師就即席示範烘焙咖啡, 由預熱開始, 到落豆, 控制豆溫, 繪畫烘焙曲線, 依據咖啡顏色, 氣味, 而決定出豆時間, 每一步老師都講得好清楚, 一齊都係老師掌握之中. 烘焙係一門 好深既學問, 多一秒, 少一秒都會有唔同效果, 就算同一種豆, 用既火力, 溫度唔同, 都會唔同! 老師講左有咩要注意既地方, 之後當然係我地自己慢慢鑽研! 炒完豆之後, 我地到咖啡時間啦~
一入屋就見到老師隻Husky, 隻狗仔好乖, 原來佢就係Huky 500 既Logo 靈感來源!
老師用既係法蘭絨漏網加宮廷壺, `非常有格調, 今次炒既係耶加雪夫, 老師比較喜歡甜味, 所以出豆溫度會高一點 ( 高溫可引起焦糖化, 產生甜味), 呢杯咖啡入口乾淨明亮, 味道好有層次, 有淡淡既甜味.
成個過程入面, 老師都好慷慨地分享左好多關於咖啡既知識, 邊度可以買到比較可靠既生豆等等! 原來老師係一位教電子工程既教授, 所以佢對機械比較熟識, 將專業化成興趣, 由教授變成烘焙機製造商! 佢話第一代既產品都有唔少不足之處, 經過多次改良同用家既feedback, 先可以慢慢設計出大獲好評既Huky 500 ~
-------
總結:
一連八篇為大家介紹2013年台灣咖啡行, 台灣係一個有好多寶藏既地方, 台北有好多大大小小特色咖啡店, 台中台南有東山咖啡農場, 高雄亦都搵到唔少熱愛咖啡既朋友, 希望將來有機會去更多咖啡之旅, 體驗唔同地方既咖啡文化~
============================================
感謝 SiuLamLam 提供以上資料
SiuLamLam的網誌: http://www.siulamcoffee.com/
============================================
