咖啡店 : 福璟直火咖啡豆專賣店
地址 : 新北市板橋區民族路21號
飲品 : 盧旺達 ( Syphon ) , 肯亞AA ( Syphon )
今次咖啡旅程, 主要係為左改善咖啡烘焙技巧, 其中有兩個重點, 第一個係福璟直火烘焙, 另外一個係下一篇會介紹既老師家訪~
福璟直火烘焙係其中一間有自家烘焙既咖啡店, 佢有三間分店, 而提供既咖啡豆品種亦都好多! 我地今次來係板橋分店, 誤打誤撞先發現原來呢間係總店, 仲有幸見到老闆 -- 吳老師!
來到褔璟, 就好似來到咖啡博物館咁, 大大小小包裝既咖啡豆, 唔同既咖啡用具, 咖啡機, 應用盡有, 見到職員好努力入包裝咖啡豆!
飲品選擇左盧旺達同肯亞, 用Syphon 沖, 沖到尾段既時候咖啡師會用毛巾包住下虹吸壺, 加快咖啡下沉, 令咖啡味道會更乾淨! 盧旺達初入口味道平衡, 醇厚, 之後果味會慢慢浸出來.
係飲咖啡既同時, 我地見到吳老師好忙咁炒梗豆, 雖然係咁, 我地都不嫌其煩向佢請教, 老師好細心咁教我地, 睇我地炒豆既片段, 再俾建議我地, 原來佢已經做左十幾年咖啡烘焙, 所以佢對每一隻豆都好熟識, 好有心得, 每一隻豆都有佢最佳烘焙度 ( 最可以突顯咖啡風味 ). 希望他朝一日, 我都可以有佢既烘焙功力!
我地傾談其間都有唔少客人買咖啡豆, 如果咖啡豆可以運送到來香港就好了!
福璟直火咖啡豆專賣店
============================================
感謝 SiuLamLam 提供以上資料
SiuLamLam的網誌: http://www.siulamcoffee.com/
============================================
