一向都覺得香港咖啡文化遠遠不及台灣同內地, 今次北上去左上島咖啡, 更加覺得中國人對咖啡的認識, 熱愛遠比香港人多!
上島咖啡集團係內地頗有名氣, 保守估計, 分店超過三百間 !! 不過佢並唔係專注做咖啡, 係佢既餐牌入面, 應有盡有, 中菜, 西菜, 泰國菜, 主菜, 甜品, 數之不盡, 大包圍, 總會有一款適合自己. 咖啡所佔既比例反而比較少, 有意式咖啡同 大路既單品豆 ( 曼特寧, 摩卡, 爪哇等) 俾客人選擇
餐廳環境好舒適, 有大大張梳化, 空間感好好!
今次點左炭燒咖啡, 屬於深烘焙咖啡. 呢度主要係用siphon 沖, 所以咖啡味道會更濃更突出. 呢杯咖啡味道帶苦, body 唔錯, 飲完之後有一陣nuts 既味道. 凍左酸會較出, 都係趁熱飲正D!
最欣賞係呢個集團出左一本名為 " 愛上咖啡 " 既月刊. 入面主要講有關咖啡既知識, 新聞, 幾篇同商業有關既文章 , 最後會有幾篇散文. 呢本月刊唔算好厚, 好快睇完, 如果你想嘆咖啡, 又無帶書, 可以睇下呢本月刊, 係上島集團誠意之作. 可惜只會係佢地旗下既咖啡店搵到, 市面上無得買...
北上幾次, 發現大型咖啡店隨處可見, 但係特色小店比較小見, 希望有機會可以試到.
============================================
感謝 SiuLamLam 提供以上資料
SiuLamLam的網誌: http://www.siulamcoffee.com/
============================================
