聽到好多愛咖啡之人都話 只要飲過一杯好既espresso, 飲到真正既咖啡味道之後,
就唔會再飲三合一咖啡, 覺得三合一咖啡好難飲...~
但係每一朝有限既時間入面 ( 大概半個鐘啦.... ) , 咖啡癮又起, 三合一咖啡的確係我不二之選~
又經濟, 又實惠, 而且味道都唔係太差者..~ 不過最梗要係用 滾水 沖, 如果水唔夠熱, 就沖唔到滑既咖啡架啦~
飲左幾年都係雀巢既ORIGINAL 三合一咖啡, 貪佢又平 (大概 $1 / 包), 都叫做有少少咖啡香~
但係最近我發現 佢既 FORMULA 轉左, 比以前多左少少好似 hazelnut 既味道... 難飲左好多... ><"
我想要返之前既味道呀!! T.T
除左nescafe 之外, 之前都試過飲 indocoffee, 舊街場, select 或者 捷榮既白咖啡, maxwell 既三合一..
白咖啡味道比較淡, 舊街場, select 同 捷榮既白咖啡好都 Rich , 好 Smooth..
而 Maxwell 既三合一真係爭少少啦..咖啡既比例太底, 好重奶味...唔夠香.. 條formula 有待改善,...~
其實仲有好多牌子既三合一都未試過既,,~ 唉~ 到底轉咩牌子好呢~
============================================
感謝 SiuLamLam 提供以上資料
SiuLamLam的網誌: http://www.siulamcoffee.com/
============================================
