牛肋條是我其中一款喜歡食物, 今次就用洋蔥煮到軟淋淋時才加入牛肋條同炒, 既能原汁保留牛肋條牛香味, 而炒香洋蔥特別清甜用嚟送飯食絕對是一流. 好快就同家人食清了.
近年我都多咗鍾意食洋蔥, 因為它對防癌是好有幫助架!
材料
牛肋條 (6 條 - 切條), 洋蔥 (1 個 - 切條), 蒜頭 (5 粒 - 切片)
醃料
生抽 (1 茶匙), 糖 (1 茶匙), 油 (1 茶匙)
調味料
蠔油 (1 湯匙), 生抽 (1 茶匙), 糖 (約 3/4 茶匙)
暖水 (3 湯匙), 紹興酒 (半茶匙)
做法
1) 牛肋條清洗乾淨, 抹乾水份, 用醃料醃約 20 分鐘, 備用.
2) 洋蔥切去頭尾及去皮, 清洗乾淨及切條.
3) 燒熱鑊落油, 下牛肋條煮至 7 - 8 成熟, 盛起隔油備用.
4) 再燒熱鑊落油, 下蒜片爆香, 加入洋蔥炒至軟淋, 加入牛肋條炒勻, 贊酒, 下調料味兜勻煮至熟透就可盛起食用.
請來我 Facebook 專頁按 "讚好" 給我支持啦!
