Ⓚ小姐。手切辣菜莆

K小姐閒時會整定D平時常用嘅食材~ 到煮野食嘅時候會快手好多架~

今次我又整左【Ⓚ小姐。手切辣菜莆】喇~~

難度只係一粒星...好易做~ 不過就係一D比較花時間嘅野喇~~~

呢個真係我身邊嘅人食過都話GOOD嘅~~

相信大家有時係麵檔, 小餐廳都見過佢....

不過我就唔會用攪拌機做... 我喜歡用手切~~~

因為手切會有大小不一~食落口感係唔同架~~食得出架!!!*

但係...唔係講笑~~ 整呢個都幾攰架!!!

做法超簡單....離不開個 "切" 字...

首先將菜莆洗淨切粒粒~~~

唔好睇少呢個步驟... 一切最少都切半斤!!*

之後.. 就切蒜蓉, 乾蔥蓉~~~備用..

要先用白鑊烘下D菜莆至乾身...(要不停反炒~以免燶呀!!)

之後就落蒜蓉, 乾蔥蓉~~炒到香噴噴!!* (記得開抽氣扇..如果唔係好大件事...陣味有排唔散)!!

再落你自己喜歡嘅辣椒油(最好有油有渣)

食得好辣嘅朋友可以再加辣椒乾同指天椒~

炒至乾身~可以加DD花雕酒~增加香味~~

炒多5分鐘左右~加少少麻油~~~再炒3分鐘~就完成架喇~~~

唔食辣嘅朋友可以落完蒜蓉, 乾蔥蓉~~直接跳過辣椒步驟~加酒同麻油炒香就可以~~~

炒好之後~~攤凍~~就可以用個乾淨嘅樽裝起~~慢慢用~

**個樽一定要完全乾身呀~!!!

保存方法: 放唔放雪櫃都可以架~~

呢個Ⓚ小姐。手切辣菜莆...可以用黎做粥/湯麵/撈麵嘅佐料.. 好惹味架!!

我有時整菜莆蛋都會混入少少辣菜莆~~好味道!! 哈哈哈~~

有時間的話, 不妨一試~~!!! 包你唔會後悔!!

更多生活小分享在 K PIG KITCHEN FACEBOOK:

http://www.facebook.com/kpigkitchen