今年夏天，車輋喺香港愛上了西多士。前幾日做港式麵包用剩半舊新鮮酵母，一於用來做多士。
Toast的麵糰比起港式麵包的濕，用kitchen machine 幫手開咗個頭之後，仍然要加手粉落手搓。
一路搓麵團一路想起當年中學的家政堂。我從來沒有俾錢上堂學烘焙，但是又不能說完全自學，因為五年中學我都有修家政科(Home economic), 亦是八科會考科目的其中一科，咁即係話其實我係有cert的。
仍然好記得中一的時候上家政堂係超級驚的，因為老師是超級的惡，大家要快，亦不能出錯，十分認真！不過由於我是真心的鍾意家政科（只限cookery,
not needlework),
所以到選科的時候我亦揀了家政科。家政科當然不及文，理商科那些搶手（應該冇乜同學中學時期已經好似我咁，志願做家庭主婦),會考家政科同學都係得20人
(out of 240人），我慶幸我係其中之一。
好多人都好奇會考家政係考乜嘢？其實並唔係淨係煮咁簡單。科目名係Home
Economic, 考試分三日進行，一日係theory, 唔係講笑，真係好多嘢讀，由營養學至生bb都有cover
(我今日呢份工真係學以致用！）第二張paper係meal planning,
去到試場每人都有唔同嘅題目，你要按題目去安排一個3-course-meal, 先要決定食譜，再要寫明幾多點至幾多點你做緊乜嘢step,
當然亦有解釋點解你揀呢三個食譜。
之後有一日時間準備，隔一日就返學校真係煮meal planning 時寫出嚟嘅嘢，兩個鐘完成三道菜。
我有一個大file，全部都係中一至中五嘅食譜 (就係要帶住個file去考meal planning),
我原本嗰個之後借咗俾人，而家依個係我home economic嘅同學Sam影印送比我嘅結婚禮物,
對我嚟講意義重大，今時今日每次整蘿蔔糕我都仲係打返開呢個file！
多士材料：
高筋麵粉 396g
糖 30g
鹽 5g
新鮮酵母 12.5g
水 260g
奶粉 18g
牛油 24g
多士沾上蛋液，用牛油煎香，再加上蜜糖就成了好好味的西多士。車輋仲要加埋nutella，一個人食晒成碟！
我提議搽花生醬俾佢帶返學校做茶點，車輋話: "唔好啦，搽nutella啦我驚Nicola (佢好朋友）唔鍾意我又想請老師食。＂亞仔，媽咪好欣賞你處處為人設想愛分享的性格
