今日天陰有雨 ，終於有少少涼意，最啱食啲滋潤甜品潤一下。
前日整泡芙既cream, 用剩咗啲蛋白，昨天做了薑汁鮮奶燉蛋白同車輋下午茶。
第一次用慢磨果汁機磨薑汁，好方便乾淨又多汁！以前用磨茸器磨薑再隔榨，磨到最後驚磨到手指所以都會棄掉。今次舊薑唔夠乒乓波大，已經有四湯匙汁，slow juicer又再加分!
![]()
薑汁鮮奶燉蛋白我參考了christine簡易食譜的份量：2 蛋白，2 tbsp
糖(我唔鍾意太甜所以用咗兩平羹多少少，唔敢落兩大羹），220ml奶。呢個兩人份量好易記，全部都係2！
我冇包錫紙，篩過後就咁好似平時蒸水蛋蒸，秘訣係媽咪教嘅keep住疏氣，咁就唔怕有倒汗水蒸得唔靚。當然你打開蓋嘅時候係要打斜開，等D倒汗水流返落
鑊，我就大約每一兩分鐘開一次，蒸到凝固為止。
由於薑汁有多，所以今日下晝再encore多一個薑汁燉蛋下午茶！
![]()
![]()
兩隻蛋加兩小湯匙糖打到完全混合，加兩湯匙薑汁，200ml水，混合後過篩，剛剛好兩碗，做法同上。
![]()
通花碗同麥嘜匙羹都係香港帶來的，嗰兩個碗更加係喺屋企碗櫃拎，所以特別好味！因為當時媽咪教我整燉蛋佢用碗量份量，咁我就乘機拎埋佢個碗��麥嘜匙羹打爛咗一隻，得番一隻所以我好珍而重之。
感謝 Grace 提供以上資料
Grace的網誌: http://heartsoupkitchen.blogspot.hk/
