![]()
昨日想起吉X家牛肉飯, 又見超市原本一盒五十幾蚊鮮肥牛肉, 現只買四十幾蚊, 決定買番屋企煮一大碟日式牛肉飯來享受一下. 用了牛丼飯醬汁, 加點味醂就已經好入味. 哩個牛肉飯無論大人及小朋友都必定 Like 呢!
![]()
材料
鮮肥牛肉 (1 盒 - 約 $40), 洋蔥 (1 個 - 切條)
醃料
日式牛丼飯醬汁 (2 湯匙)
![]()
調味料
日式牛丼飯醬汁 (4 湯匙), 味醂 (1 湯匙)
暖水 (約 2 湯匙), 鹽 (少量)
做法
1) 牛肉清洗乾淨, 抺乾水份, 用醃料醃約 20 分鐘.
2) 洋蔥去衣, 清洗乾淨, 切條, 備用.
3) 開火下油, 下洋蔥煮至軟身, 將洋蔥推至鑊邊, 加入牛肉炒 8 成熟, 下調味料與牛肉及洋蔥兜勻, 加蓋煮約 1 - 2 分鐘, 就可盛起食用.
