![]()
賀年菜中當然會有豬手, 今次用蠔油來炆煮. 個人來講, 用蠔油來煮感覺味道一般, 如果喜歡濃味都係用柱候醬及南乳醬來炆煮會更入味d. 所以我今次都用比較多蠔油來煮才夠入味. 不過, 都值得大家去試吓. 我口味唔啱, 但或許大家喜歡呢.
另由於今次我係用高速煲炆, 加上隔晚才食用, 我煮時調較炆 20 分鐘, 結果煮出嚟己經淋晒, 所以下次只需炆 15 分鐘相信己好足夠.
材料
冬菇 (15 隻 - 切半), 豬手 (1 隻 - 切件), 蔥 (1 扎)
蒜頭 (5 粒 - 拍篇), 薑片 (3 塊 - 汆水用, 3 塊 - 爆香用)
冬菇醃料
生抽 (2 湯匙), 糖 (1 湯匙)
調味料
蠔油 (9 湯匙), 生抽 (3 匙), 老抽 (1 湯匙), 暖水 (700 ml)
八角 (1 粒), 冰糖, 紹興酒 (1 湯匙 - 贊酒用)
做法
1) 冬菇隔晚用水浸軟, 剪去菇蒂, 用清水及生粉清洗乾淨, 換過一盆水再浸冬菇用作做冬菇水.
2) 豬手凍水下鑊, 連薑片及蔥煲滾, 汆水, 盛起沖洗乾淨, 備用.
3) 開火下油在高速煲內, 先加入薑片爆香, 再下蒜頭及八角同爆香, 加入冬菇炒, 再下豬手同炒勻, 贊酒, 下蠔油, 生抽, 老抽兜勻, 再加入暖水及冰糖. 當水滾起時, 下鍋蓋加壓煮 20 分鐘 (炆15 分鐘會更理想), 熄火待減壓後焗過夜. 第二天食之前返熱就可食用.
請來我 Facebook 專頁按 "讚好" 給我支持啦!
用高速煲真係快好多呀~~
