農曆新年嘅時候我第一次喺度買咗兩包(1600g)急凍嘅芋頭片, 第一次喺度整芋頭糕。用剩左嘅芋頭，突然想起可以試吓整芋頭魚，不過我冇魚模，所以就整咗芋頭魚嘅朋友。
做法：
-蒸熟300g芋頭片，然後壓成芋泥
-40g澄麵粉混合40g滾水
-芋泥混合澄麵再加調味：鹽¼茶匙，糖一茶匙，五香粉¼茶匙，胡椒粉¼茶匙，麻油¼茶匙，油一茶匙
- 壓平大約1cm厚，印模，160度火炸至金黃色
![]()
原食譜醬汁：
白醋40ml, 片糖35g (我冇片糖用左黃糖，喼汁1湯匙，茄汁1湯匙，OK汁1茶匙（呢個我唔知係乜嘢，冇落），水三湯匙，鹽¼茶匙
其實我唔係好有印象以前食芋頭魚係有汁，不過我都照做咗。
![]()
食熱氣嘢，飲番杯慢磨青汁(蘋果，菠蘿，青椒，西芹，青瓜）。
