袁太因為呢幾日唔舒服，又去左睇醫生，食完藥呆下呆下，都有幾日冇upload blog，所以一食完藥，又係時間清一清食譜，如果再唔upload的話，我驚大家會唔記得左我>_<
因為食藥的關係，攪到個人傻下傻下，睇醫生的時候，袁太梗係叫醫生寫假紙俾我，所以星期六就請假冇番工，係屋企休息休息，平時袁太休息的時候，一定會早起身去買早餐，但食左藥實在太疲倦，所以就訓晏d，但訓醒都要食野架，唔食野又點食藥呢 ???
但又唔想落街，好彩雪櫃咩都有，有肥牛，有銀針粉，有蟹柳，有金菇，仲有粟米粒，有咁多材料，整咩都得，就決定整個金菇牛肉卷，魚湯銀針粉，不過今次唔係袁太整，而係袁生整
袁生話費時袁太係廚房煮煮下暈左，其實我知佢係唔想我咁辛苦煮野，同佢一齊咁多年，點會唔知佢諗咩呢，咁好喇，就等袁生煮，不過我都有係旁邊睇住佢煮，費時佢攪到個廚房唔知變成點，袁生煮左大約30分鐘，終於有得食，雖然食左藥口淡淡咁，但袁生煮的食物當然係好味 !
金菇牛肉卷拌魚湯銀針粉
材料(金菇牛肉卷) : 肥牛<6片>，金菇<半包>
獻汁 : 蠔油，老抽，生粉，水<適量>
做法 :
1. 肥牛解凍後加入少許鹽，生粉拌勻醃10分鐘
2. 金菇洗淨切去底部備用
3. 將金菇放在肥牛上捲成卷，再用生粉封口
4. 燒紅鑊，將金菇牛肉卷煎至兩面金黃色，加入獻汁煮至杰身即可
