Marco出trip前一日一齊去超市入貨，買咗肉碎預備整肉醬。(我會整定肉醬frozen, 方便隨時整千層麵）咁我就問Marco想唔想上機前食千層麵做午餐，佢話求其用肉醬撈個pasta 便可以。但係車輋就話lasagna! Lasagna!
我呢個仔好多嘢都唔食，例如，可以食漢堡包，不過叫佢浄食漢堡扒就唔肯，一定要有嘢夾住！難得佢鍾意食我嘅千層面，有肉有洋蔥有芝士一次過食哂，佢開心時我開心。
咁佢要求到，我都想滿足佢，一於爸爸食pasta, 車輋千層面，我就食前一晚食淨的sushi。Marco話三個人三樣唔同好spoil, 所以我話咁車輋要負責切士多啤梨，成交！Marco話咁如果千層面係當獎勵咁就ok。講到尾，佢咪又係一樣spoil個仔。記得多年前Marco 講過，兩個人相處，我哋要好似比賽，睇下邊個spoil對方多D。其實可以spoil你愛嘅人，係一種幸福，見到佢哋開心，你自己都開心。
其實我嘅千層麵好簡單，肉醬成份只有洋蔥，免治
肉，番茄，調味，能夠受歡迎係因為我用咗Rana嘅新鮮超薄千層麵皮。
車輋鍾意一層層由面開始食。佢lunch食唔完，我話可以留到第二日，不過就無咗個脆面。點知車輋竟然有辦法，佢叫我再加D芝士粉去焗熱，咁就可以有返個脆面！亞仔，你咪好著數！不過我欣賞呢會動腦筋解決問題，抵你有得食。
感謝 Grace 提供以上資料
Grace的網誌 http://heartsoupkitchen.blogspot.hk/
