話說車輋第一日返小學，我就想做佢最鍾意的戚風蛋糕俾佢做早餐，同佢打打氣！
返學前一日，成個下午都忙於為車輋新文具貼名，加上堂細路過咗嚟玩，所以到晚飯前先有機會做蛋糕。
我先準備了漢堡扒(遲D再開一篇寫呢個新菜色)，然後開始整餅。因為戚風蛋糕我已經做個好多次，又不是太多step，所以我想不會用太多時間。
一路做蛋糕，車輋一路話好肚餓，個肚乜都冇喇！我就話好快，放咗入爐我就會煮俾佢食。
入爐後一切如常，由於今次第一次用香港新買的戚風模，一個模唔夠裝，我於是分了兩個模。戚風模那個都升得正常高，係另一個模冇乜升高。
時間到了，可怕的事發生了！我打開焗爐門，唔洗五秒，個蛋糕喺我面前下陷！我即時仲想，唔係個新模有乜問題呀? 一秒後，我終於回魂，原來我唔記得落.....................麵粉呀！！！！！！！！！！
Marco剛放工回來，仲笑我問D漢堡扒有冇落肉?！
等到食完晚餐，個"蛋糕"扁到好似蛋餅！
車輋堅持要試，仲話好味，仔呀仔，我知你錫媽咪，想安慰我，不過我真係唔想你第一日返學肚痛！
好在屋企仲有蛋，食完晚餐立刻做返個正常的！
雖然脫模唔多得，不過都總算係一個蛋糕！開學快樂呀寶貝！
感謝 Grace 提供以上資料
Grace的網誌 http://heartsoupkitchen.blogspot.hk/
