昨天結婚十一年又一個月有禮物！其實聖誕期間已經考慮過買，不過之後怕唔常用，所以又取消了念頭。近排又再次好想要，咁我就同marco講話睇吓幾時有特價就買，不過佢好似唔多理我。昨天返來話我有禮物收，原來之前已經秘密網購！多謝哂。
早幾個月驗血，我膽固醇都仲係高，年紀大左開始緊張自己嘅健康。正所謂唔顧自己都要顧下身邊嘅人。檸檬羊話飲果汁好有益，不過一定要慢磨（slow juicer), 為咗自己健康着想就買咗呢個新玩具。
籃生果係喺超級市場買，用嗰個籃任你執到滿。可以揀奇異果蘋果同埋橙，5.5€一籃，可以連埋個籃帶返屋企好開心 。
其
實嗰間超級市場D生果好平，好多都係1
euro/kg，呢個籃佢都預你放到5.5kg，我回家真係磅下有幾重，我都放咗5.2kg，早知拎多兩個蘋果，哈哈。不過0.3euro當買個籃，我又
俾得甘心，最重要係車輋都開心。因為我唔肯定個籃可唔可以帶走，所以我講定俾佢知，到最後真係可以拎返屋企當然開心啦！
車輋試咗士多啤梨汁，然後我哋又整咗蘋果蘿蔔汁，最後再來多杯奇異果西芹汁！Five a day, 話咁易！
今朝早餐，我自己嚟一杯蘋果西芹汁，好味又健康！
網上搵了一個有好多slow juice recipe的網頁，Reboot With Joe, 想知道慢磨同一般juicer的分別，網上都有好多資料。http://blog.yam.com/mimiandyoung/article/41204388其中呢個blog講得好清晰易明，recipe條link我都係喺嗰到link過去。
感謝 Grace 提供以上資料
Grace的網誌 http://heartsoupkitchen.blogspot.hk/
