除左學 Latte Art 之外, 之前仲報左咖啡烘焙班, 係 Pregio by Barista Caffee 上堂,
雖然係學炒豆, 不過我地多數時間都係沖咖啡 , 一堂起碼飲4, 5 杯 :P
同學仔都好專業, 都咖啡好有研究!!
炒豆就重要係睇咖啡豆既顏色同聽咖啡豆爆裂既聲音, 顏色愈深烘焙度愈深,
唔同咖啡豆, 適合唔同既烘焙度, 點先係perfect match, 就憑經驗啦
其實只要用少少工具就可以炒豆, 炒幾耐視乎烘焙既深淺度, 大概都要二十分鐘,
咖啡開始炒豆既時候會有一陣陣好似麵包既味道, 慢慢就開始聞到咖啡香,
聽到 "咇咇啪啪" 既聲, 代表咖啡豆開始一爆 ( 咖啡豆入面既水份變成蒸氣, 產生壓力, 令咖啡豆爆開 )
我地一組4個人輪流負責炒, 要不斷做 " 拋鑊" 既動作, 都幾攰! 如果一個人係屋企做, 要練一練臂力先得!
終於炒好!! 我地 ( 右 ) 既係中深烘焙, 顏色唔算好深, 之後我地都有試飲自己炒既豆,
味道就一般啦...
![]()
|
|
阿sir 都有即場試範專業既烘焙機!
|
炒豆堂都幾好玩, 可惜我未必會係屋企炒豆了! 要清理都會花好多時間呢...哈哈...
============================================
感謝 SiuLamLam 提供以上資料
SiuLamLam的網誌: http://www.siulamcoffee.com/
============================================
