![]()
老朋友 (腸胃炎) 今次見到我真係非常熱情呀! 攪到我日日肚痛又瀉. 之前食藥加打針都唔得! 再睇醫生揾埋個 (抗生素) 嚟攪掂佢, 趕佢走. 食咗抗生素真係好咗d. 希望老朋友真係會快快離我而去啦!
![]()
除了食白粥, 今日見自己好少少就煮了一個簡簡單單病人餐給自己及Honey做晚餐. 加了少少什菜粒的湯麵, 整碗麵變得好有生氣活力, 令我這個病人食都食得特別開心.
喜樂的心, 乃是良藥 (箴言17:22)
材料
簥麥麵 (3 扎), 蟹柳 (7 條), 魚蛋 (5 粒)
金菇菜 (1 包), 什菜粒 (份量隨意)
日式湯料
Topvalu 日式濃縮昆布麵汁 (300 ml), 水 (約 2000 ml)
![]()
做法
1) 金菇菜及什菜粒清洗乾淨, 蟹柳及魚蛋解凍及清洗乾淨, 備用.
2) 煲一鍋滾水, 下蕎麥麵煮 4 - 5 分鐘, 然後撈起, 用凍水過冷河, 盛起隔乾水份.
3) 燒滾水下 Topvalu 日式濃縮昆布麵汁煮滾, 然後將食材加入麵汁中煮熟. 將麵汁倒在湯碗內, 加入己煮熟蕎麥麵及所有食材, 就可享用一碗熱騰騰湯麵.
睇洛好健康
