casablanca bed set@一田

踏入冬季又係百貨公司大減價既時候，11月尾百忙中騰出一晚去大埔一田入左2set 床圍。
一田d野本身都比較貴, 折左都未必好抵，但就次次都咁多人。我其實一次都未去過，為左丁叮踏出左第一步～

聽過媽媽會媽媽既介紹，一致認為床圍係最抵，而我其實早幾年已經好鍾意呢幾套野，當時只係三百幾～不過買黎冇用，得個睇字…今次終於成功入手～^^

折實$429/12件裝 (據知吉之島剛過去既大減價都要479, 不過好行好多, 仲可以問下野)

雖然同老公行, 不過懶得o係大埔中心拎返黎, 又唸住可以遲d先拎唔駛阻地方, 於是要佢send去附近分店。
尋日收倒電話，點知話鋪頭每個星期日都要噴殺蟲水…有BB野唔係咁好, 所以叫我盡快拎…當時老公返左工…變左我自己去托返黎…好在唔算重, 但就相當大舊…拉左架車仔去, 上落小巴極不方便…不過總算成功運送返黎喇~^0^


星期六完成左大order~尋日終於有時間執下個衣櫃, 搬完床圍之後就執下衫, 騰出左一大格俾丁叮, 差唔多放滿佢d衫仔包被仔~櫃頂就放左2sets bed set~^^ 遲下執埋下面2格俾佢~

執完野繼續出去入貨~今次決戰吉之島!

下篇繼續~^^

============================================

感謝 Scorpio 提供以上資料

Scorpio的網誌: http://scorpio3210.blogspot.hk/

============================================