Chocolate Concorde

幾年前食過"媽媽"整既呢款蛋糕, 尋日見倒有blogger post食譜, 咁o岩今日要整甜品返公司開party, 我又約左人食自助餐, 原本想整最簡單既木糠布甸, 不過屋企又冇cream…

回程途中吐路港上仲o係facebook問大家整木糠布甸、呢款蛋糕還是最方便整個戚風好呢~?

落左巴士之後都係冇行去超市, 當時已經過左十點, 好快有小巴, 上左小巴後發現大家都叫我整木糠布甸…好可惜…整唔倒喇…

返到屋企即刻焗個朱古力海綿蛋糕先~跟住整脆脆

第一次整, 一盤剛剛焗得晒~100度焗左一個鐘, 不過有d粗既未乾得透, 希望今日食ok啦~

焗緊既時候整埋cream, 原食譜用朱古力忌廉, 我懶, 唔想溶朱古力, 用左榛子醬+cream, 記得我講過屋企冇cream嘛, 於是用左代糖甜忌廉~:p 依家唔用都唔知幾時用~ 我麻麻地o個種代糖味, 加左榛子醬味道冇咁怪~

原本想用薄荷葉裝飾, 老公話唔靚, 好似d泥上面有棵草=.= 放金箔其實最好, 我放左幾粒銀珠。

天氣凍, 海綿蛋糕出爐後放左一陣, 橫切成三塊, 好快已經可以吻cream。打起左甜忌廉之後, 用少少開左d榛子醬等佢好撈d, 再撈埋打起左既cream形成榛子忌廉。吻上蛋糕面, 唔駛太靚, 一陣都會遮晒~

焗好既朱古力蛋白脆脆折成小段鋪o係蛋糕面(都要花少少時間逐粒鋪), 放少少銀珠裝飾, 篩上防潮糖霜, 搞掂!

總共用左3個鐘完成~ 好開心~好耐冇試過新食譜~烏龍王今次冇擺烏龍好順利~^.^

朱古力蛋白糖

蛋白                30g

糖                    60g

鹽                    少許

糖粉                24g

可可粉            10g

做法:

============================================

感謝 Scorpio 提供以上資料

Scorpio的網誌: http://scorpio3210.blogspot.hk/

============================================