一直都想搵懷舊mini或者甲蟲, 兜兜轉轉睇過阿達既MG, 幾特別, 但冇叮一聲既感覺, 後來發現fb間中都會見倒, 就o係我地睇車後一星期就有另一對新人book左, 我地都唔駛考慮。
後來o係朋友既相簿見倒呢架紅色mini車仔~ 正喎~ 老公鍾意紅色, 不過就唔鍾意朋友用過, 我反而覺得朋友用過有保證d, 起碼評價都好好。
起初對美滿都有d戒心, 始終網上有d劣評, 但係朋友用過話司機好好又準時, 我地都即管一試。
o係婚展睇過一次之後返返鋪頭book都可以做返婚展個價(原價-$200)book左之後約睇車, 不過就真係望下, 度下位, 唔似阿達咁有得試坐。好在到bd實則坐上去都唔係太難, 因為佢得雙門, 著住咁大件野要sip上車, 好在都ok, 係有少少頂頭, 不過我地預左。
架車好新, 冷氣夠~ 司機新哥仲好主動問我地冷氣夠唔夠同埋主動提議放慢俾我地另一架車既攝影師同我地影相拍片!讚!
約左8:45, 8:40就到左~
我地o係車頂插左2支logo旗, 車門掛上2個企鵝公仔頭裝飾, 車尾貼左自己晝既企鵝just married牌 ^.^
新哥話佢試過拖汽水罐行一大段路都冇問題, 花車大晒咁話XD
路上隔離有架車有個外國人拍我地片XD
隱約見倒個車門企鵝頭
原來MALAU影倒!!^333^有冇影埋另一邊既新娘企鵝呢~~
我地冇放到對寶貝o係車上食塵, 影完相就收返入黎同我地一齊坐^0^
美滿評價：
![]()
![]()
![]()
![]()
+0.5
![]()
(滿分為5個
![]()
)
幾好呀，冇黑面XD又安排倒試車，主動打黎約我～唔駛單都可以交尾數，之後都唔駛CHECK單, 老公話係D電話煩D, 你可以話佢跟得足, 不過有時會打黎問「有冇同事打過黎」…呢D老公覺得有D騷擾。
新哥評價：
![]()
![]()
![]()
![]()
![]()
主動幫忙，有求必應，準時！
============================================
感謝 Scorpio 提供以上資料
Scorpio的網誌: http://scorpio3210.blogspot.hk/
============================================
