尋日睇生活易討論區見倒一篇名為
女人廿九歲的焦慮既討論
大家有冇趕30呢個觀念呢?
我從來都冇唸過自己要幾多歲嫁人, 小妹妹時冇, 未拍拖時冇, 拍左拖都冇
30歲對我係咪一個關口呢? 都好難講
20歲時同幾位好耐冇見既小學同學出黎, 大家感嘆眨眼就咁多年, 下次再見可能又過十年, 十年後30歲, 唸起都驚…^^" 其中一個男仔話: 「冇人要就驚JE~」
當時有D錯愕, 真係冇唸過呢個問題, 結婚好似好遙遠, 拖都未有得拍^^"
22歲同男友一齊, 行下行下過左幾年, 身邊姊妹講起打算幾時幾時結婚, 對方仲遲我一年拍拖, 我地反而未有計劃。當時同佢反映呢件事(呢對朋友佢都識), 講起佢地唸住10年結婚, 佢話:「我都想o係你30歲前結婚」。
印象中我好似從來都冇提過30歲前要結婚, 但其實心裡面應該都想盡快。
26歲o個年, 老豆突然話我知阿邊個邊個個女同我一樣大, 已經生左小朋友, 由o個年開始好恨生BB。以前都只係唸住呢生人一定要生, 但由o個時起, 好想好想做媽媽~^^" 咁第一步, 當然要結婚先啦。始終年紀太大生小朋友對大人同小朋友都唔係咁好, 聽講後生生出黎既小朋友會叻D, 我亦唔想50歲時個仔都係得10歲…所以趕30其實都不無道理。
有時會唸, 趕30好似好唔有型XD 31都幾好丫, 有D朋友拍左好多年拖, 經濟又冇問題, 都係31歲先結婚, 唔通就係覺得有型D? XD
其實佢覺得婚前婚後唔會有咩分別; 我就認為, 身份唔同, 應該會同依家唔一樣。至少每日放工都會見倒佢, 每日都會買送煮飯, 唔似得依家一星期有3日放工一個人對住肥豬同豬肉仔^^ 。有D咩唔記得左買, 都可以叫佢買返黎, 唔駛又行幾個字或者搭車出去買XD肥豬日日都有DADDY摸頭頭。稱呼上可能會由daddy mammy轉返做老公老婆^^ (我一直都覺得老公老婆係應該結左婚先叫既XD)仲有!! 日日都唔駛驚有甲由喇!!!
時間好似過得愈來愈快, 尤其對住小朋友, 終於明白長輩話見倒佢地真係唔認老都唔得XD 就好似見證住時光流逝…關口…不遠矣 ^^"
早幾年睇過彭秀慧既《29+1》, 耐唔耐就重演, 希望到o個陣時會重演一次, 我要再睇一次 ^^
============================================
感謝 Scorpio 提供以上資料
Scorpio的網誌: http://scorpio3210.blogspot.hk/
============================================
