＊ ＊ ＊ ＊ ＊ ＊ ＊ ＊ ＊
＊ ＊ ＊ ＊ ＊ ＊ ＊ ＊ ＊
20080804
最近又有新玩意~ 大家記唔記得我o係書展買左本《在家種菜》?
舊年6月amy 姐幫我買左第一盆薄荷, 2個月就瓜左~今年3月丁屎又幫我買左盆, 仲有迷迭香~ 2盆都仲健在~ ^0^
薄荷經過幾次修剪, 發覺真係愈剪生得好勁, 之前可能太多葉反而生得唔好, 而且又長期曝曬。上網睇過原來佢只要半日照就ok, 而且要保濕, 於是搬左佢埋另一邊, 只有部分時間直接有日照~泥土長期濕潤 ^^
仲試緊分盆~ 剪左出黎o個d搵水浸到出根, 之後過盆, 不過仲未成功, 相反九層塔似乎理想好多
左邊呢盒係薄荷, 其實剪過好多條, 插o係水度幾日就黃左, 唔知係咪d葉浸倒水, 希望呢棵可以快高長大啦~ 差唔多要去買盆喇~
中間呢棵係蕃茄XD播左幾粒核XD不過呢幾日都冇咩起色…/.\
右邊既係九層塔, 原來只要插播就得, 即係剪出黎直接插o係泥度, 不過開頭就唔好俾佢曬住, 要保濕~ 生得最好係佢, 不過張相睇唔清楚
大o個棵黎左2個幾月, 已經開左好多花, 之前都有post過相, 不過依家俾我剪晒~因為開花會吸晒d營養, 剪左d葉生得好d之外, 仲會有分枝~ 依家已經生到好高喇~不過ｄ莖就有ｄ木質化，同埋淋遲一陣水就會謝晒…不過一淋返就好快起返晒身～^^"
呢盆係丁屎3月幫我買既迷迭香, 超易種完全唔駛理佢!不過d莖都係木化左, 全日照都算係咁XD
另外仲浸緊D檸檬核, 今日睇yoyo個blog, 記得佢種左柚子盆景, 當時完全唔知咩黎, 原來係種柚子, 不過佢唔係種樹, 只係做盆景, 我就真係想種檸檬 ^^" 唔知會唔會妙想天開…因為之前睇飲食男女都見人o係天台種檸檬~ ^0^ 種倒就好喇～見胖鴨話浸2星期會發芽, 我浸左個幾星期喇, 又見yoyo話要撕開層皮, 咁我又撕開左, 不過繼續浸到佢發芽先~ 因為過左泥要等成個月:p
除左檸檬之外, 煲雜菜湯成日有青椒, 又有紫天椒, 都好似蕃茄咁播左種, 唔知會唔會成功發芽呢~?
我連蒜頭都唔放過XD 浸緊一粒咁大把XD
============================================
感謝 Scorpio 提供以上資料
Scorpio的網誌: http://scorpio3210.blogspot.hk/
============================================
累積瀏覽 1163702
全部攻略 4414
全部回應 2
