麵包初班VIII~炸雞包, 炸蛋球(不吐不快)

上得好唔開心既一堂

話說第5, 6堂我都冇返, 聽AUNTIE講, 阿SIR話唔炸雞包, 改做焗…咁…同平時有咩分別呀…

炸雞包係我其中一個target黎! 就係平時o係屋企唔會整, 所以先要上堂整嘛~唔通平時開一大鑊油炸呀? 一來我本身唔識炸野, 二來未試過炸包, 居然唔教!??

上一堂問阿sir, 佢話咁多人有排炸…

大佬你堂堂晨咁早落堂, 驚炸唔晒?? 炸唔晒一人一個都好丫! 課程寫左有! 點可以話改就改~ 同auntie講話驚我地驚肥, 咁驚肥o個d咪焗囉~又可以慳d時間炸少d喇~

好喇結果黎到, 真係唔炸就唔炸, 我死lur先俾我炸一個咁大把! 好~一個就一個, 跟住一落鑊爆開左, 唔係同我講返點解爆, 一句就話都話左你架啦! 實爆喎~ 包緊o個陣又唔同我講叫我包實d, 一味同我講會爆!炸o個陣先黎馬後炮! 跟住我同auntie細細聲講話佢之前冇同我講, 只係一味話會爆, 點知佢原來聽倒, 我呢刻先知佢聽力原來一d問題都冇!

之前問左佢幾次野都唔應, 問佢炸蛋球用咩火, 問左3次都冇反應, 跟住問第二樣野又係咁, auntie大大聲佢先應! 我真心以為佢撞聾好體諒佢架, 原來唔係既…咁就唔掂啦…大佬我黎上堂為乜? 都係為左有人解答下我問題je~你估依家學師仔要自己睇自己摸呀??

講返我個包, 雖然爆左, 但我覺得好食過佢o個d喎! 炸得冇咁火農冇咁乾咁實, 可能就係因為爆左唔炸得耐, 所以火喉反而o岩o岩好~ 我話我唔後悔, o係度爆左好過o係屋企爆, 唔衰過點知咩事, 就係衰左先可以問返老師, 從錯誤中學習; 但佢話o係度爆其他同學有危險! 漏汁會彈倒人! 咁危險課程就唔好寫! 咁危險你就保證我唔爆, 而唔係o係度馬後炮, 一早知我會失敗, 又講明我要炸一個係就好睇實我提點我令我唔好出錯, 而唔係o係度講d咁既野!

至於炸蛋球, auntie仲叫阿sir唔好教…一.一因為佢唔食…好在都教左, 原來同泡芙造法大同小異, 又同沙翁唔同。食左一粒, auntie o個粒俾埋daddy仔食~

呢堂上得好唔gur! 不吐不快!

後補於20071129

============================================

感謝 Scorpio 提供以上資料

Scorpio的網誌: http://scorpio3210.blogspot.hk/

============================================