![]( "P1100487")
3）預熱焗爐450度F（230度C）10至15分鐘。
4）將雞脾排上鋪有錫紙之焗盤，入爐先焗10分鐘。
5）將焗盤前後掉轉，以保雞脾唔會一邊熟一邊唔熟，較細爐火至400度F（205度C）再焗10分鐘。
6）取出雞脾上下反轉再焗20分鐘。之後再轉爐溫至375度F（190度C），每隔10分鐘反轉雞脾上下一次，再焗兩次至雞脾全熟。
![]( "P1100497")
![]( "P1100506")
小貼士：
1）雞脾醃時要將調味料塗於皮上、皮下及肉上，咁樣雞皮至會脆，雞肉至會入味。
2）不時反轉雞脾可以令雞脾上下都平均加熱至全熟。
3）喜歡甜味可以加入1湯匙蜜糖於調味料中。
4）想個皮更脆同係蜜汁脆皮，將蜜糖加少少水塗於雞皮上焗，每次取出反轉雞皮時都塗一層，咁個皮就會係又甜又脆啦。
5）迷迭香帶出香味，加埋麻油，醃果陣都好香，焗就更不在話下，煮好拎出嚟仲香到冇朋友正，如果用新鮮迷迭香就加多少少份量用略為切碎。
