OK,開始時將頭髮分成左右兩邊,之後好似紥法國辮咁拎起最前面一小束頭髮,以橡皮筋束好,將個topsy tail由上插向下,將條辮由上反入下面,拉好成為一個反轉結,
之後好似束半法國辮由最開面加入頭髮,再用橡皮筋束好,成為新一束髮辮,新髮辮比之前第一條粗,因為加入咗其他頭髮,如此類推,直至去到耳後嘅頭髮都加入束起。做完右面梳左面頭髮,到左右兩邊都完成,再將兩條辮仔合併束成一條。
由後面睇就好似一個前面打開嘅心型,所以我叫呢個做「開」心Open Heart。唔駛鬢辮唔駛紥法國辮,慳水慳力又唔駛幾多時間,又有一個小甜心髮式,係咪好介紹呢?