玩完個轉得好快嘅咖啡杯之後，又係轉轉轉嘅士多啤梨，其實多數機動遊戲都係轉轉轉，所以哥哥又係照例話好驚唔玩，但一開動之後發覺又唔係好快喎，於是由捉實我之後到開始肯放手坐，不過都係有D驚，
![]( "P1060176")
反觀豬扒妹，真係天不怕地不怕，同爸爸坐士多啤梨，仲想企起身。
![]( "P1060171")
![]( "P1060177")
跟住去玩上一年哥哥玩到大叫大喊嘅旋轉木馬啦，哥哥去咗坐馬車，即係唔識郁唔係高高在上果種，影唔到佢嘅相，豬扒妹未入去已經揀咗呢隻，點解？因為有好多花，隻馬都好高，不過豬扒妹唔驚，仲好鬼開心，其實有一條皮帶綁住條腰都叫做有少少保護。可惜我冇睇清楚，原來呢隻係唔會上上落落架，一開始就發覺唔對路但已經太遲，豬扒妹問點解唔郁架？
