因為之前整嘅排包對兩個小朋友來講係較為大片，尤其是豬扒妹，因為通常呢隻直接法手搓包到第二日都會較硬，加上呢排天氣實在太凍，麵包放室溫都硬晒，一定要入微波爐或焗爐番熱，咁一拎出嚟對仔女就話好熱太大塊，所以特別改一改，整咗一個迷你版，用嘅料一樣咁多，一樣咁搓唔焗，只係之前個麵糰切成8份，呢次係20份，加埋提子，每一塊排包係正常嘅一半。
![]( "P1090336")
材料同詳細做法可以去之前嘅post度睇番（
Click入呢度就得），我今次只highlight同上次唔同部份。今次可能做慣咗，搓嘅時間好快，個麵糰發酵好後切開係見到好fluffy，面仲有一D薄膜起泡，質地柔軟但不黏手。發酵完第一次真係大咗好多，未發酵前冇影到相，呢張係發酵完第一次後嘅。
![]( "P1090307")
呢張係放氣摺疊後再發酵前影嘅。
![]( "P1090308")
二次發酵後個麵糰好大個，好軟身仲有薄膜。
