貪新鮮去左"朗豪坊"呢呢間"地中海"
等位既人唔多~但次次比既都係2人位~
所以我地一行3人都等左差唔多大半小時先有位
入到去就叫野食......頭盤好快上枱~諗住食完重可以行下陣先走
點知ZZZZ...ZZZzzzZzzzzzzzzzzzzzz..........
再等多半小時先上第一個主菜......我開始留意其他人客
哥哥食完佢個飯之後好快咁有人黎問我地飲咩
我 : 黎左一個餐咋~遲d先啦~等我地食埋就會叫野飲
再過多5分鍾又黎問~哥哥望左佢一眼再問佢係你咪吹我地走
又過多5分鍾~又問....我反問佢~你想點呀~
又再過多5分鍾~佢用...借問3位想飲咩......我已經火火地同佢講~冇野想飲
我留意到我地後面個枱客已經換左3次人
打算埋單走個陣~條由又黎......唔知3位想到飲咩未~我地最後柯打
我答 : 好!唔該埋單~ 條由呆左 我話：係呀埋單～快呀！唔該！
條由一轉身行左３步到～我地既主菜黎啦．．．算啦食埋咪走囉
點知真係想叫野飲既時候一個人都冇～唔理我地
叫左野飲之後～好快咁上埋甜～玥接住比叫我地埋單
我比張信用咭佢啦～跟住條由立即放低張單走左～
我咪拎埋ｄ野行埋收銀比佢囉．．收銀個又望住我～
我答：信用咭黎架～係咪未見過定唔知咩黎～
跟住收銀好快手咁攪好晒野比我地走～跟住個兩條由黑口黑面咁送我地走
好地地一餐飯～由等到食用左兩個半鍾～Ｄ野重要唔好食～重要阻人打烊
頭盤
＜燒春雞天使麵＞最好食呢個
＜香草白汁海鮮天使麵＞得Ｄ奶咪冇香草味
＜白汁焗龍利柳飯＞最難食＋最快到＋最冇成意之作
＜朱古力芝士雲石蛋糕＞好酸同有小小苦澀
感謝 笨小主 提供以上資料
笨小主 的網誌: http://cammy_lee2001.mysinablog.com/
