開始積假同儲OT既日子，個人真係好易無晒心機......
所以難得放假，本來攰到勁唔想出街既我都下定決心出一出九龍塘，全為去LOG ON買番幾舊小石頭，玩下我最近迷上既小玩意----銅線首飾工藝啦!!
材料其實好簡單~
最重要當然係有餅銅線先啦
而我就係好求其咁用0.3 le種
其實好似仲有銀色，不過我就覺得金色襯出黎高貴好多啦^^
仲有就係水晶~我響LOG ON買都係under$30一粒，抵玩!!
而且比起膠珠，用水晶做出黎既質感同效果都好好多
今次用le粒號稱最強吸食力同淨化工能既黑耀石黎示範先
先剪好銅線，咁會一陣比較易做...長度就視乎粒石有幾大啦~
先響個頭打番個蛇餅....
將個蛇餅用手指固定響石既底部，開始隨意咁圍住粒石[喬].....[喬]左兩個圈到，記住要穿番過底個蛇餅，le個係穩定粒石既關鍵....
之後上番頂部，同樣打個蛇餅，又再圈多兩圈，跟住穿過底/頂個蛇餅對穿番落另外個蛇餅~le個時候開始定到粒石，你繼續五花大綁佢，又穿下上又穿下下咁，件手作就差唔多完成架啦
最後可以同銅線響上面做埋個圈~攪掂!!
中意既可以做頸鏈，不過今次我就將佢做左掛飾啦^^
不過記住!!!!!!!!!盡量唔好比人見到背面.....
是日主理人-----鄭二小姐
感謝 艾華斯 提供以上資料
http://chengsfactory.blogspot.hk/
