有日去
《將軍澳醫院》看專科
往明德商場吃早餐
商場內有間瑞士餐廳
午餐時段要排隊
但當日早餐時不用排隊
於是入去試試
點了個雪菜通粉餐
味道正常啦
多士本來幾鬆脆
但可惜放在熱的火腿蛋上
下面那片變了又濕又腍
隻碟咁大
分開放就好得多
有時做事做人
就是差了一點點
已經完全兩回事
價格也正常
不算貴
餐廳內有位女侍應
值得一讚
有位婆婆入來坐下
非常猶豫
不知她想食乜
侍應有其他事做
走開了
我說的那位女侍應
行埋婆婆處
非常耐心問婆婆
原來婆婆話佢得十幾蚊
唔要食嘢
婆婆有些少混亂
最後攪左好耐
婆婆決定飲熱鮮奶
呢位女侍應一直好言相對
很關心婆婆
我覺得係呢啲地方見到
真係幾難得
