英國人見人愛小王子佐治集萬千寵愛在一身，氣勢當然有返咁上下。
佢之前同媽媽凱特王妃一齊觀看慈善馬球比賽，順便為賽場上嘅爸爸威廉同叔叔哈里打氣。
小佐治咁得意，當然成為眾人嘅拍攝對象。其中有一幅相就影住佢帶著堅定嘅眼神，係草地上一個人行過。十分有創意嘅網民當然即刻發揮佢地嘅小宇宙，將小王子背後綠油油既草地變成爆炸場面，而小王子就處變不驚咁走出火場。
圖片一出即刻引起網友瘋傳，網友仲話憑住小王子堅定同有霸氣既眼神，兼且爆炸都唔使擰轉頭，一睇就知佢係未來儲君接班人嘅不二人選咁話添！
