29/01/2014
昨晚已經達成我地來旅行既目的亦係我地入來極光圈來訓得最安穩既一晚.
訓得好更係今日都會醒神D啦...因為今日預約左玩雪上電單車, 所以一早起來就食個豐富早餐.
這間酒店既早餐都唔錯, 起碼我有至愛既三文魚, 可惜住客太多refill食物都唔夠住客取得快,往往想食多次都無得再攞.
今日要轉房所以食飽後執行李放係lobby後, 我地就行去隔離準備今日既活動!!!
Snowmobile Safari(Euro $140/ppl)
當然都係換好衫就帶我地去電單車到教點樣操作啦....
今日就只得6個人參加, 一對比利時人及連埋我地2個就有4個香港人!!
![]()
![]()
YO!!!講解完畢!!!出發
![]()
![]()
導遊帶我地源湖走入森林內再去到一個教堂(介紹以前一個部落既生活)
我地以教堂為終點, 停左係果度導遊就開始點火又係俾berry juice我地飲.
![]()
![]()
生完火仲煲咖啡煲茶等水滾既時間, 導遊就帶我地入去個教堂參觀影下相...唔係佢帶來真係鬼知森林內都會有個教堂.
![]()
![]()
睇完影完又回去大家圍住個火(無記錯當日都負十幾度架, 天寒地凍就算有生火都幾凍)
圍住個火係俾大家燒腸仔食....@@仲要好勁咁俾D樹枝當叉
![]()
![]()
燒腸仔之外仲有麵包餅乾俾大家食..都算係一種體驗!!唔錯唔錯!!
食完執好野又開始回程啦...今日既活動亦就此結束!!
![]()
睇個畫面仲以為係日落, 其實當時先係11點幾,不過景色真係好美只可惜太凍啦留多一分鐘都唔想, 只係想快D回去!!回去後換好衫就番回酒店又再做check in手續, 返到房無無聊聊又唔想煮野食.我地就到lobby既餐廳食個午餐同行下四周...原本見到有blog友介紹話附近有個博物館既...只可惜我地行唔夠10分鐘又見四處無咩建築物, 所以我地決定回頭走人行下唯一既手信店同2間超市就回房焗sauna!!!
![]()
![]()
![]()
![]()
係房整到來都已經6點幾又係時間check下極光指數同煮晚飯.今日都係只有3, 但都睇到微微既極光, 同樣係3既時間我地係Saariselka就完全睇唔到...
加上今晚住既房有lake view可以舒舒服服睇下極光唔洗再走出去.
![]()
![]()
![]()
哈哈..見唔見到我好有型咁申左對腳出來睇極光....今晚D光真係不及昨晚厲害, 我地整晚都留係房睇下微微既極光就訓啦...因為明天7點05分車要早起身...同時亦要同Inari講再見, 唔知有生之年會唔會再重返這個美好既地方!!
============================================
感謝 jo712 提供以上資料
jo712 的網誌: http://josearfung.blogspot.hk/
============================================
