今日對我來講都係一個大日子.來澳洲之前已經睇左好多資料,好想試下玩跳傘, 但其實我平時我都唔玩咩刺激活動機動遊戲又唔岩玩真係怕自己上到半空會縮沙...之前來睇左好多人跳傘既片, 我睇時連雞皮都起晒...
有一次我睇度D人話其實跳傘無離心力, 當時我眼即發光...咩話!!!無離心力...咁我都無咁怕...所以最終都友人決定試一次Skydive當挑戰下自己...
早上7點30分我地就係酒店門口等車, 等到差不多8時先到...救命上到車又再係市區再接人. 原來有2位日本人遲大到...我地上到車其實都好忙, 又要聽講解又要簽D生死狀一大埋野...由市區入去跳傘都要成2小時車程.
去程時天氣都麻麻有黑雲途中仲有下雨, 我當時想唔通天意唔想我跳...HAHAH好明顯係我想多左!!!
![]()
終於到啦...不過我地都要等叫名. 因為今日太早又無準備早餐, 所以係等待室等時都幾慘. 又無野食買又悶...係度等呀等呀!!!
我地唔知等左成粒鐘先終於等到我地個名上版...這裡跳傘好得意架好似坐飛機咁, 不過就唔係航班係個版度, 係大家個名跟教練個名.
![]()
叫好名就會帶我地去這間房度穿好跳傘服準備等上機. 我地係旅行社買所以都無得選跳低D既...直接就係跳14000呎+DVD,所以我地上機前教練就會開始幫我地錄影, 睇番自己個樣先知道自己當時係非常之怕.
友人係個日本人教練, 而我就係西人教練...不過友人果個教練好D勁幫佢拍片,唔知係唔係我個樣真係面青青教練都唔係好敢撩我傾計...我地上機啦坐係個機艙內時見到架機點解愈飛愈高架...果一刻我真係想縮沙..真係好高!!
![]()
![]()
好啦!!!綠燈啦....開門啦...第一位跳既係無跟教練...跟住就一位西人女仔, 再來就係韓國人...
第3個就係我啦...................友人就第4個.....
係機艙開門我只係見到D雲層...對腳伸出機艙果一刻我自己都覺得震呀..無耐我就俾人推左落去啦....好興奮!!!!
感受真係難以形容.....其實跳時真係無離心力, 只不過當教練會將個傘轉方向時就有離心力..攪到我真係非常驚....不過係上空真係好唔同好特別...當時我都覺得自己對腳係震架...最後我亦落地啦.....不過我跳先但亦比友人遲落地!!!.
咁樣我地就玩完啦
![]()
坐左2小時車就回到市區啦...番到來都成2點幾啦..我地去酒店換好泳衣就行去市區搵食先...今次試左好多人都話正既Nando's 燒雞...又真係無介紹錯D雞肉外皮燒得好香亦入面D肉多汁好滑...
![]()
食飽之後我地就係來市中心既人造沙灘玩下..游下水啦...玩完我地就回酒店...晚餐我地亦係酒店食..食完又要早訓..因為來緊既行程我地每日都要更早起身!!
![]()
============================================
感謝 jo712 提供以上資料
jo712 的網誌: http://josearfung.blogspot.hk/
============================================
