今日就算無咩特別行程我地都好早起身. 因為我想去F.I.T旅行社訂Fraser island既一天團同埋去Avia取車.
其實我見有Blog友都係網上自行訂購Fraser island既一天團, 點知當我要訂時就已經升到AUD 170, 真係有D唔服氣而且上網又要俾信用卡費用,最後俾我找到一間F.I.T旅行社係黃金海岸有分店, 咁岩佢地亦有這一個一天團, 最後來澳洲前我就決定去找這個旅行社當場訂到就最好啦, 就算訂唔到上網即買都無問題.
點知自己攪錯左以為這間旅行社好近我地住既地方原來都幾遠, 最後我地決定食左個早餐再行去租車先去旅行社.
今日去試下另一間澳洲都幾出名既小食店~Pie Face.我地叫左個蘑菇雞批選左個BBQ醬. 味道都係一般不過加左BBQ醬又會好味D...
![]()
食飽飽行去Avis取車先...其實我租車選租車公司又攪左好耐,最後估唔到網上訂Avis會平過其他小名公司, 加上要係黃金海岸分店取車既租車公司選擇亦唔多...來緊3日陪住我地就係佢啦.
![]()
取好車後問好旅行社地址我地就出發...好好地這個旅行社係購物中心內有3小時free parking, 所以我地去到訂好團順便去超市買埋今晚晚餐係酒店煮.
攪好所有野都中午1時啦, 我地回酒店食少少野就出去衝浪沙灘玩啦....首先去附近租左塊小小衝浪板(2小時AUD 15)
今日天氣一樣美好而且這個沙灘既浪真係好正, 不停都有好多浪玩得好開心. 今次我地無租企板, 不過我同友人已經決定會再來黃金海岸衝浪架啦..
玩完回到酒店都成5時半, 係時間我地又要出發去我地今日唯一一個景點Springbrook National Park 睇藍光螢火蟲.
由酒店去個Park都要成1粒鐘所以我地快收快腳整理好野就出發...我地去到都已經差不多7時天都黑晒, 係澳洲車路真係無燈. 係香港開慣車條條路都有街燈, 來到這邊晚上開車真係非常辛苦又唔可以長開高燈...
幸好來這裡睇藍光蟲既人非常之多, 我地都係跟住D人行就已經去到
![]()
![]()
部相機影黑麻麻地, 幸好上面有人用電筒射左D光入來先有這個畫片...這些蟲原來只有澳洲同新西蘭先有, 而這些小小發光的蟲都受唔到光而死, 所以入到去亦有牌話俾大家知唔好用手機電筒相機光照佢地.其實我地作為遊客每去到人地既地方都應該尊重同遵守當地既規則先岩...唔係真係會令人神憎鬼厭.
行番出來再去取車時,望上天就已經見到好多星星. 唔知係唔係澳洲用得小街燈, 所以我地一望上天空就好易望到好多星星係天上...真係好舒服既地方.
回到酒店都8時多,出門前就已經準備好晚餐既功夫回來整埋15分鐘就開得餐.
圖中既乳酪超正呀配埋當地既大大芒果食一流...食飽今日既行程亦到完結. 明天都係要一早起身開長途車去Hervey Bay
![]()
![]()
![]()
![]()
============================================
感謝 jo712 提供以上資料
jo712 的網誌: http://josearfung.blogspot.hk/
============================================
