California Pizza Kitchen@Mega Box

難得星期六早收工, 一心一意就係去shopping買野...來到這個商場食店都多有少少選擇困難症都唔知點好...不過同友人都已經有2間心水, 最後都係來此店一來這間分店都唔算多有D地區都唔就腳反正都好耐無食過...


可能早食關係都唔需要等位...我地點左宮保雞丁炒意粉, 燒鴨胸沙律同墨西哥卷

先來就係個鴨胸沙律面層加上D脆片卜卜脆都唔錯,而醬汁就似片皮鴨醬但鴨胸就比較鞋口, 幸好蔬菜夠新鮮加上幾特別醬汁整碟沙律一下子俾我KO晒..

再來就係個墨西哥卷, 我地可以選擇2款口味: 一款墨西哥雞另一款就係素芝士卷. 我同友人都覺得墨西哥雞卷味道最正帶點香辣再配牛油果醬真係非常美味, 至於個素芝士都唔錯有大量茄子這一個反而配酸酸地既蕃茄醬汁就比較合適..

再來就係意粉, 這一個對我來講就有點失望, 整個意粉都偏油而雞肉亦係少又無咩香辣, 而意粉亦煮得過時有點偏淋身...

整體上此店既食物都唔錯, 服務亦好細心不時有人來加水....坐位都幾舒服

============================================

感謝 jo712 提供以上資料

jo712 的網誌: http://josearfung.blogspot.hk/

============================================