![]()
![]()
![]()
![]()
![]()
![]()
上次同友人經過此店已經決定下次再來就要試下, 為避免要等位所以6時半已經到店啦...可能星期六關係好多位都預訂左, 俾安排坐係D死角位不過都算可以接受.
我地2個人決定叫一個SET DINNER再加一個MAIN COURSE, 當晚個SET都唔錯, 我地選左頭盤係炸魷魚, 主菜就要左個牛仔肉最後甜品要左沙巴翁...另外點左個COD FISH..
先講服務我個人覺得都幾舒服架, 佢地會見到你食完頭盤先會再入廚房準備主菜, 而且會為你換碟, 亦會不時為你加水.
至於食物我同友人都覺得唔錯, 先送上既麵包都算OK不過最特別係送既雪糕加左醋令到佢咸咸地甜甜地好特別, 至於頭盤既炸魷魚非常好味, 炸得岩岩好魷魚仍然軟身好好味,
至於SET既牛仔肉都好入味非常淋身最正係個薯蓉好香好好味, 不過我地2個都覺得都係COD FISH比較吸引啖啖魚肉外層包左個脆卜卜好似麵包薄片再配上橄欖做既醬汁真係好好味..
反而甜品就比下去, 沙巴翁一點酒香而且加入雪糕更加係雪糕蓋過所有味道!!
不過整體食物環境服務都好好, 相信下次都會再來試下其他食物
============================================
感謝 jo712 提供以上資料
jo712 的網誌: http://josearfung.blogspot.hk/
============================================
