![]()
![]()
星期六去睇左套非常好睇既戲之後, 原本係想去JAMIE'S OLIVER新開既餐廳到食飯,已經5時半去排隊點知排左20分鐘只係取票, 仲要再過2小時後再去等位...嘩真係攞命.
我地決定都係唔等啦, 走左去利舞台睇下有咩食, 友人決定食和民.
可能時間早既關係去度都直接入座....見到個二人餐都係二百幾蚊, 想都無想就叫左...這個餐真係3-4人食都得...
頭盤已經有4樣野: 凱撒沙律, 三文魚刺身, 芝士年糕及炸雞軟骨....講真樣樣味道都唔錯, 當中我自己最喜歡都係個雞軟骨, 上枱時仲係熱非常惹味..
再來仲有3樣野食, 我地選左廣島燒餅, 蕃茄海鮮鍋及牛肉飯...另外仲可以選2杯飲品
廣島燒餅都係以椰菜為主, 而且唔多粉漿好味, 至於個海鮮鍋就普通啦, 海鮮唔算新鮮幸好個蕃茄湯底酸酸地夠開胃都唔錯...
到最後我地個牛肉飯掂都無掂直接打包...
埋單都係$300認真抵食而且味道都唔錯.
============================================
感謝 jo712 提供以上資料
jo712 的網誌: http://josearfung.blogspot.hk/
============================================
