Scarlett Cafe & Wine Bar@尖沙咀

早前無意之中係網路上介紹這間食店為平價版法國菜...攪到我都心思思想去試下...一早訂左為要星期六去試下晚餐...去前更係去OR睇下食評同埋D人有無咩好介紹既食物啦...點知去到望下D食評都係麻麻, 食物就無講好定差, 不過服務就話到唔太好...當時都已經心大心細究竟要唔要...其實如果食物麻麻既食評我都會去試一試, 反正各人口味不同. 不過服務差就真係有點令我怕怕...出得去食飯更係想開開心心架啦...亦唔想為左D服務唔好令成餐飯都好掃興..

不過星期六早收工反正想去尖沙咀行下街就決定一試啦..當晚我地早左半小時去到不過被安排坐係樓下既位置..環境係有D嘈既(音樂聲好大), 不過我還可以接受啦...未至於同友人傾計要放大聲講野.

當晚我地點左豬腩肉同埋生牛肉他他一齊食...再來就係點飲品. 友人唔飲酒類飲品啦...我就問下待應有無mocktail, 佢話有不過無係menu內就開始讀D名我知...可惜我都唔係好識D名..就算係讀俾我知我都係唔清楚加上佢讀得又快又長, 基本上我係唔多清楚..最後我講俾佢知我想要D入面有果汁既就可以..跟住到我點野飲再來幫我就係似經理既女仕, 這位就講得清楚好多, 我想要杯果味重D既紅酒佢介紹完轉頭就送上...再問我係唔係差杯西柚汁..我就再講俾佢知友人想飲mocktail, 跟住佢就好細心咁介紹俾我..最後來左杯西柚汁佢都主動幫我更改...

未食野我已經覺得這裡既服務唔錯啦...再來既食物都無令我地失望

來既麵包我就覺得一般牛油亦唔香, 所以食左一件就收手.
而Beef Tartar牛肉新鮮做出來都好鮮味再加入大量配料食時酸酸地真係好好味, 旁邊既薯條亦炸得香脆,我自己就非常喜歡.

至於個豬腩肉份量都幾多啦..肥瘦岩岩好唔會食到食口都油再加上底部既什菜粒同豆一齊食, 當時真係好想叫碗白飯來配...

整體上我覺得食物同服務都一樣好, 而且價錢又真係唔貴呀.唯一係座位又真係幾迫下....不過我同友人都會考慮再來.

============================================

感謝 jo712 提供以上資料

jo712 的網誌: http://josearfung.blogspot.hk/

============================================