之前經過見到這店平日晚飯時間都有條小人龍係門口等位, 琴晚終於同友人來試下.
我地都係要等位, 幸好都係等左10-15分鐘就有位啦...安排我地坐係對窗既2人位, 其實咁樣又幾舒服, 慢慢傾計食飯對住街景享受晚餐.
![]()
2個人點左泡椒寶塔菜; 小籠包, 川弓白芷胡椒浸魚頭同埋豚王五彩陽春麵.
其實真係唔知咩係寶塔菜見到英文係artichoke 咁點左來試...一條條爽口既好特別, 如果唔沾上麻辣汁係無咩味道. 整碟野個汁真係無得彈, 帶少少麻香又唔會過份地辣, 所以唔係好食到辣既友人都不停口咁食..真係好值得推介.
![]()
再來既小籠包,反而就變得無咩特別, 幸好皮薄有勁多肉汁
![]()
這碗陽春麵做到好似日式拉麵咁, 2片厚厚豚肉得入味出奇地又唔會太肥膩, 不過對我來講唔算太淋身, 而果隻蛋就無日式拉麵店咁滑同入味..
![]()
最後這個魚湯份量就十足, 整個大碗都有好多魚頭,不過我縑只有淡淡川弓白芷既味道,這個都只屬一般.
![]()
整體上我喜歡這裡既環境同服務, 食物方面我點左4樣野最喜歡都係個泡椒寶塔菜, 其實都只屬一般.
地址: 銅鑼灣軒尼詩道500號希慎廣場14樓1401號舖
============================================
感謝 jo712 提供以上資料
jo712 的網誌: http://josearfung.blogspot.hk/
============================================
