椰汁西米糕-附加食譜

這小小的葉兜如何摺呢?
其實,我愛反轉塊葉,剪口向上,由左至右摺.
第2塊覆蓋第1塊成直角,第3塊又蓋住第2塊.....
其實,第一摺就見到盒底的外層.摺完盒底都會向自己.

1.先將葉清洗乾淨.頭尾唔要.
2.每1.5吋剪一刀,共5刀.留意唔好剪斷,只剪一半.如上圖.
我想摺出來比較正方一點,所以在剪口位,摺1吓.
3.將葉的剪口位交摺,重疊屈摺就可以.
4.最後,用膠紙貼實收口位.
**葉子最好有2吋闊度.***
如太窄小,四方型模摺成1.2吋好了.太大會露底啊!

西米如何煮得粒粒晶瑩剔透呢?
真係好簡單.
1.先沖洗西米,水滾才放入,快手拌勻一吓,以免黏起.
加蓋煮7分鐘.
2.熄火,再焗7-8分鐘,焗到透明才開蓋.然後沖水,瀝乾水份.
我係用細細粒的西米,有的大粒些,煮,焗的時間就要耐些少.
今次個面填得未夠靚,下次會更好!
食譜:可以做8隻. 1.5吋正方模.
1.西米60g,煮好瀝乾水.
放回鑊內,加糖25g拌勻,用小火煮至杰身.
赻熱填入四方模內,舖平.
面層:
Kara椰漿100g+粟粉10g+水30g+砂糖13g+少少幼鹽拌勻
用細火慢慢煮到又滑又杰身.煮時要間中攪拌.
將煮好的椰漿糊,趁熱立即加在西米糊上.*因為凍左會凝固*
用小匙推平.**如糊煮得太杰,好難推得平滑.
雪凍後就可享用,真係好yummy.
我試過放入玻璃盒,雪4日,都好食呀!