蜂蜜蛋糕 -嬲到爆/又再做,得左!(食譜)

哎呀....真係嬲到爆呀!
咁夜7仔有蛋賣嗎?

想玩蜂蜜蛋糕好耐,但個木框架好大.
放唔入焗爐.又唔想自製紙盒去焗.
因為始終都係想用木的.
到近日,用12元買了個木兜回來,
去了個底,咪個木框架啦.

樣樣OK,開始打蛋,試3隻先.
怕失敗,都係用少少乳化油嘞,口感應該會更似!
點知打兩分鐘發覺唔妥,
水汪汪的.......原來我落錯了固體菜油呀!
ｃ啦。。。得３隻蛋咋。
好唔甘心,打到機都熱烘烘......都係水汪汪.
傻到再加入HONEY,真係浪費加低Ｂ
沖水同牛牛飲落肚好過啦!
最多成晚幫襯廁所姐！


鹽1/4茶匙
蜜糖40g(我家有樽冬蜜)
低筋粉85g,10g粟粉.
(菜油40g+鮮奶20g)坐暖拌勻.
做法:
1.蛋打起泡,分3次加糖,鹽每次打至糖溶.

大約打12分鐘,分2次加入蜜糖再打.
打到蛋漿流下來可寫個8字,紋才消散,
因我打了好耐.可能有20分鐘.
見流下來的紋,慢慢散嗎?初時更清晰.
呢個步驟係成功的一大半.

注意:中途停一陣機.怕燒機.
2.篩入粉,用手動打蛋器拌勻.成冇粉粒的蛋漿.
3.先將1/4蛋漿同(油和鮮奶)拌勻.
4.再倒回蛋漿上面拌勻.

預熱焗爐,放下層,用165度焗15分鐘上色.
**開始焗時,每2分鐘打開爐拌蛋漿1次.共3次.
我只輕輕拌面層,這做法可減少氣泡.

然後,降至140度再多焗20分鐘.至金黃色.
蛋糕上升十分平均.
我見到已經高出木框.再烘金黃一點.


便放上不沾布在蛋糕面.牛油紙都ok
(此時糕面不黏手 )

再把一個較小的焗盤反轉,蓋壓蛋糕頂,盡量放平.


唔好一邊高,一邊低呀,多焗20分鐘.

呢個做法令蛋糕面平平滑滑.
記得用2層錫紙包好30層報紙,
鋪在焗爐內,再放上木框,注入漿才焗呀!