11個半又1味-涼瓜煮魚骨

行經街市見馬頭魚好新鮮,買了兩條.
魚店老闆叫我買多一碟大魚骨,收9元算了.
又好啦. ...唔一定豉汁涼瓜燜魚腩.
其實,煎香的魚骨牛牛仲愛吃,
真係又平又好食又香口呀!
行到菜檔,苦瓜大平賣兩大個5元咋.
我只煮一個,另一個煲湯.
做法:
1.涼瓜斜切件,(可切條)加一茶匙鹽撈勻5-10分鐘,清洗.(可減少苦味)
2.魚骨洗乾淨,索乾水,加少少鹽,少少生抽,胡椒粉醃10分鐘.
煎時才撲上粟粉.煎至金黃,盛起.
3.用餘下油炒香,蒜茸,豆豉,薑,下苦瓜炒一會,
加水過面,2塊魚骨(可令魚湯味大大提升),
鹽,糖1/4茶匙.煮至淋,大約8分鐘.
4.再倒入其餘魚骨,煮一會,輕手兜幾吓上碟.
可惜,我忘了加入蒜茸,豆豉,紅椒...令這味菜失色不少.
牛牛只食一半咋!唔夠惹味喎 吹脹

後記:
過一天,再煮過,今次,牛牛吃光了.